❤️話晒人生第一個父親節，點都要分享一下呢兩個幾月嘅感受：
感恩上天送咗一份完美嘅禮物俾我哋。
見得最多除咗老婆、BB同Don Don，就係尿片、奶樽同電話(影夠未⋯就嚟冇晒memory)。
睇住洋蔥頭好似氣球咁一日一日漲大，成功感好大，責任感更大。
覺得老婆好偉大，真係要錫佢多啲。
Preemo每次發出新嘅聲音，都令我哋好興奮⋯⋯除咗喊聲。
成日提自己，唔好忽略Don Don。
一家四口去咗幾次街，每次都好開心，好有family嘅感覺。
每次收到老婆send嚟嘅BB相或片，都好似傻佬咁自己對住個電話笑。
每日好早起身返工，放工返屋企再開湊仔公呢份工。
日日超攰唔夠瞓，但係內心又勁開心。
各位爸爸，我哋要默默地(你係爸爸你明嘅)加油，幾辛苦都要撐落去，面帶笑容地成為老婆嘅最大支援，子女嘅最佳榜樣。
父親節快樂！😍
Search